جس طرح اللہ پاک نے ایمان و عبادت کا مکلَف انسان کو بنایا ہے اسی طرح جنَات کو بھی مکلف بنایا ہے۔ جن بھی اللہ تعالی کی ایک مخلوق ہیں۔ جو آگ سے پیدا کی گئی ہیں، ان میں سے بعض کو یہ طاقت دی گئی ہے کہ وہ جو شکل چاہیں بن جائیں ان کی عمریں بہت طویل ہوتی ہے، ان کے شیروں کو شیطان کہتے ہیں، یہ سب جنات بھی انسانوں کی طرح عقل اور روح وجسم والے ہیں، ان میں توالد وتناسل ہوتا ہے تھے کھاتے پیتے اورجیتے مرتے ہیں ان میں مسلمان بھی ہیں اور کافر بھی مگر ان کے کفار انسان کے کفار سے تناسب میں زیادہ ہیں اور ان میں کے مسلمان نیک بھی ہیں اور فاسق بھی، سننی بھی اور بد مذہب بھی ہیں ان میں فاسقوں کی تعداد فاسق انسانوں کے تناسب سے زیادہ ہے ان کے وجود کا انکار کرنا یا صرف بدی کی قوت کا نام جن یا شیطان رکھنا کفرہے۔